O acto de clausura consistiu nunha moi interesante conferencia do historiador Dionisio Pereira que lembrou a represión sobre a muller libertaria na Galiza e onde volveron a soar nomes que moitos quixeran que tiveramos esquecido: Sebastiana Vitales, Basilisa Pérez, ... moitas mulleres que sufriron a brutalidade do castigo do fascismo por levar un mundo novo nos seus corazóns. Ante un auditorio de mais de medio centenar de persoas, se lembrou a loita das mulleres nos sindicatos, nos ateneos, nas organizacións específicas como Mujeres Libres, ... e se recuperou a memoria do sufrimento da represión coa que foron perseguidas.
Contouse ademais coa colaboración dunha intérprete de lingua de signos que realizou a dificil tarefa de signar o desenvolvemento da conferencia e maila charla posterior.
